المساعد الشخصي الرقمي

مشاهدة النسخة كاملة : ارحمونا من الافلام الماسخه بتاعتكم


jackson
06-01-2015, 08:34 PM
السلام عليكم ورحمة الله وبركاته

من الملل الي موجود حولينا ساعات بندور علي حاجة تشغل وقتنا، طبعا وقتنا الي هو الفراغ

بعد منرجع من شغلنا او دراستنا معظمنا بيكون قاعد علي الانترنت ومنهم . أنا كاتب الموضوع

حبيت ادور علي اليتيوب حاجة اشوفها كويسه كتبت فيلم ودخلت علي معظم الافلام الجديدة

كلها نفس الفكرة كلها انتاج السبكي بلطجية رقاصة، مطرب شعبي فاشل،وياريت
بعد كل ده اطلع بحاجة مفيدة من الفيلم، يعني نفسي افهم ايه هدف الفيلم انه يوصلهولي
استفادة انا ايه من الفيلم غير اني اتفرجت علي اشكال وسخه وممثلين فاشلين
،من الجيل الحالي.نفسي اشوف فيلم عربي يفيدني احس اني بتفرج علي قصة
نكمل باقي الحكاية دي،، لما زهقت من مناظر الافلام الجديده الي نزله
كتبت افلام قديمة وطلع ليا فيلم الناصر صلاح الدين وشد انتباهي في اول الفيلم
شركة الانتاج ، طبعا ناس كتير مش بتاخد بالها من شركات انتاج الافلام
، شركة انتاج فيلم الناصر صلاح الدين شركة الوتس لا الانتاج الفني. فين الشركة دي دلؤتي؟
شركة منتجه فيلم مبدع زي ده فينها وليه مكملتش وترحمنا من السبكي وعيلته واشكالهم
افلام زمان بتاعه الستينات اما بتفرج عليها بحس برقي واخلاق، انما افلام دلؤتي
بحس ان الناس دي بتصمم انها تصدر صورة مش كويسه علينا، معظم العرب ودول الخليج
وخدين فكرة عن المصرين زباله بسبب اعلامنا وافلامنا احنا الي بنشوه صورتنا با ايدنا والله
بدخل اي شات خليجي بلاقي شتايم الخليجين علي اي وحد مصري بكلمه يا ابن الرقاصة
يا بلطجي يا شحات ياتري ده بيقول كده ليه عشان نزل مصر شاف مصر كلها رقصات ولا شحاتين،
لا عشان شاف في اافلام ومسلسلات بتاعتنا قمة السفاله وقلة والادب
عشان كده بقي بيقول يا مصري يا ابن الرقاصة والبركة في السبكي واشكاله...
اي حد عايزه يتفرج علي فيلم اجنبي ويشوف الفرق بين الفيلم الاجنبي والفيلم المصري
الفيلم الاجنبي ديما بتلاقيه بيكلم في قصة تفيدك تطلع في اخر الفيلم
تحس انك خدة عبرة او نصيحه مميزة من الفيلم ، ميزة تانيه في الاجنبي
ان بتلاقي ديما معظم ادوار البطولة بنات في الفيلم ميتعداش سنهم 18 سنه وبتكون في الفيلم حاجة مميزة
في الاجنبي ديما بيحترمو الجيش معظم الافلام الامريكيه بيظهرو الجيش والشرطة بتاعتهم حاجة مميزة
وبيخدو بطولات في ادوار الفيلم بيبان للي بيتفرج ان ده شخص موجود يخدم بلده وشعبه..
عندنا في مصر عمرهم ما جابو فيلم بيعظم دور الجيش غير في فيلم الطريق الا ايلات
وافلام نادية الجندي كلها فاشلة عشان المتتج بتاع افلامها جوزها محمد مختار
عندنا في مصر البنت يوم ميدوها دور بطولة لازم تكون رقاصة او عاهره
لازم تشوف المراة المصرية في افلامنا الهابطة انها (عاهره) او انها صاحبة البلطجي الخمورجي الشمام
ولازم في الممثل المصري يكون ابن الممثل فلان لو تدور ع الساحة دلؤتي كل الفاشلين ابناء ممثلين
يعني نفسي اشوف وجوه شابة زي الي كانو في تياترو مصر شباب زي العسل لو خد فرصه اكتر من كده هيكسر الدنيا
مش لازم كل ممثل او ممثله فاشله تجبلنا ابنها او اخوها او ممثل يجبلنا ابنه يتحفنا بيه...
ابوس ايدكم ارحمونا من الافلام الي بتغدي عقول جيل جديد طالع بياخد من الحجات دي شخصيته وفكرته عن المجتمع
الي حوليه. انا بزعل اوي اما بكون معدي من جمب مدرسة اطفال في ابتدائي وبلاقي الطفل طالع من مدرسته بيشتم شتايم زباله
او بيغني اغاني الافلام دي الي والله كلامها مقززز ومقرف.. اتقو ربنا في الحجات الي بنشوفها والعيال الصغيره بتتعلم منها.
...... وارحمونا يا تقدمو فن هادف من غير مكسب مادي او تبطلو القرف الي بتعملوه ده...

شمس
06-03-2015, 03:08 PM
عندك حق والله

ما فى فلم واحد عدل كله شتيمة وسلاح ورقص

وشباب واطفال وبنات كلهم بيكلمه باسلوب واحد اسلوب الشوارع والبلطجية

افلام الناس معجبين بيها ليه معرفش كلها بلاوى ومصايب تدمر اجيال

والحكومة فين والوزير الثقافة فين الله اعلم كله علشان خاطر عيون السبكى والعدلى جروب

عرضين كل شئ عادى وموباح البلطجة المخدرات الزنا

ده حتى مسمعناش عن شيخ واحد طلع قل كدا حرام او عيب اوينفع وماينفعش

ولا حتى طلع وقال ان مافيش دين من الدين يقبل الكلام ده

حسبى الله ونعم الوكيل فيهم

jackson
06-03-2015, 07:02 PM
ربنا يتوب علينا يا شموسه من القرف ده ونرتقي با افلام كويسه تفيد الناس مش تدمر اجيال
نورتي يا قمر

احساس انسانه
06-18-2015, 03:37 AM
ربنا كريم وربنا يهدينا للطريق الصح وطريق الخير والهداية امين يارب .وان شاء الله للاعلى وبالتوفيق :yearning::yearning::yearning:

jackson
06-19-2015, 01:42 PM
يسلمو ايات شرفتي