المساعد الشخصي الرقمي

مشاهدة النسخة كاملة : ااااه يا ولدي


Nghmm
07-02-2015, 07:51 PM
قولي يا ابني
ماشفتش ابني؟؟
كان لابس زيك تمام
طاقيه بنسرها علي راسه
والبياده والحزام

وفي ايده ماسك سلاحه
وفي الطابور علي طول قدام
واد سماره وهبته راجل
والقلب لساه يدوبك غلام

ولاعمره يوم عن امه اتأخر
ولا عمره يوم عن واجبه نام
كان لسه مخلص عزاله
كان لسه مخلص علام

لو حد شافه يقوله ابوه جاله
والشقه خلصت دهان
وخطبتك بتسلم عليك
والعيله بعتالك سلام

ابنك يا والدي عند ربه
شهيد يشفع للانام

يمسك ايديك يوم القيامه
يحميك يوم الزحام
ويخدك لباب الجنه
ويرفعك اعلا مقام
ابنك مامتش يا ابويا

ابنك حي عند ربه فى الجنان
ااااه يا ولدي
خدك الموت مني
وانت ف عز الشباب
خدك وسبني وساب
شعري اللي شاب

خدك ورماني ف وسط العذاب
طب اقول ل امه ايه
لما تسئلني عن ضناها اللي غاب
ستعيش مصر وستبقى
وحتما ستموت الكلاب

jackson
07-02-2015, 08:07 PM
حلوة جدااا نغوم

ربنا يرحم شهدائنا يارب

Nghmm
07-02-2015, 10:15 PM
انت الاحلى اتش يارب فى الجنه ونعيمها ويصبر اهليهم