المساعد الشخصي الرقمي

مشاهدة النسخة كاملة : زوجة سألت جوزها حتاكلوا ايه بكره ؟ ربنا ع المفترى هههه


أكرم
07-03-2015, 02:57 PM
الزوجة : تأكلوا ايه بكره؟
الزوج : أي حاجة.
الزوجة : يعني أيه أي حاجة؟ أنت مش عايز حتى تساعدني باقتراح.
الزوج : أعملي لنا بامية و أرز.
الزوجة : لسة واكلين بامية من 3 أيام.
الزوج : طيب أيه رأيك في فتة و كوارع.
الزوجة: كوارع ايه في الحرّ ده.
الزوج : أعملي يا ستي محشي ورق عنب و لحمة محمرة.
الزوجة : هو أنا لسة ح أنزل أشتري ورق عنب و أغسله و أقطعه و أعمل الخلطة و أحشي , و أحمَّر ؟ الرحمة شوية حرام عليك أنا بني آدمه.
الزوج : طيب شوفي أي حاجة سهلة و موجودة عندك و أعمليها و خلاص.
الزوجة : يعني مافيش مرة عايز تريحني و تجاوبني , دايماً ايدك في المية الباردة.
الزوج : طيب, قولي اقتراحات و أنا اختار منها.
الزوجة : اقتراااحااات؟ يعني أنا مش عارفة أختار صنف واحد , و أنت عايزني اقول اقتراااحاات.
الزوج : ايه رأيك ناكل أكلة خفيفة, مثلاً علبة تونة و جبنة و زيتون؟
الزوجة : بلاش عك , أنا بفكر أعمل مكرونة و كبدة بانية و شوية بطاطس شيبسي؟
الزوج : برافو عليكي و على أفكارك.
الزوجة : هو ده اللي أنت فالح فيه.
و في اليوم التالي اتصال تليفوني من الزوجة للزوج:
الزوجة : ألو , هات معاك حاجة ساقعة و أنت جاي, بس تكون صودا عشان طلبت سمك مشوي و أرز ( دليفري ).
الزوج : أنتي مش قلتي ح ناكل مكرونة و كبدة و بطاطس؟
الزوجة : و الله أنا من ساعة ما صحيت و أنا بغسل و اشطف الولد و أحمي البنت و انضف الزريبة اللي ولادك عاملينها , ح اجيب وقت منين أنزل و اشتري و اطبخ ؟ حرام عليكم بقى أنتم ما بتبطلوش طلبات.
الزوج : عايزة الحاجة الساقعة ايه ؟ "سبرايت" و لا "سفن أب"؟
الزوجة : أي حاجة.
الزوج يرجع الى البيت و يجلس الى المائدة و يمد يده ليخرج زجاجة"سبرايت " من الكيس و يضعها على المائدة.
الزوجة : ايه ده ؟ يعني مكنتش قادر تجيب سفن أب ؟ أنت دايماً ذوقك غريب كده.
الزوج يمد يده داخل الكيس ويخرج زجاجه (ثانية) سفن أب و يضعها على المائدة.
الزوجة : طبعاً أنت مش خاسس عليك حاجة أقعد انت بعزق في الفلوس واخر الشهر تقول لي المرتب بيروح فين, عرفت يا بيه المرتب بيروح فين؟.
الزوج : يأكل في صمت.
الزوجة : ها , ما قولتليش , تاكلو ايه بكرة ؟
الزوج : شلل نصفى!






https://fbcdn-sphotos-b-a.akamaihd.net/hphotos-ak-xpf1/v/t1.0-9/11695917_1603931109848436_2863376488418340993_n.jp g?oh=fa59e33b10fe758c78f64257186618e7&oe=56222B55&__gda__=1444940394_5f045a03d14f1495dae01f19e199d0b f

Angel
08-31-2015, 07:17 PM
استشر زوجتك دائما ثم نفذ ماتراه انت

أكرم
09-08-2015, 08:25 PM
فعلا معاكي حق

jackson
09-08-2015, 08:28 PM
هههههههه حلوة يسلمو اكرم وحمدالله ع سلامة

أكرم
09-09-2015, 08:03 PM
انتا الاحلى يا اتش
يسلمك ربى من كل سوء ربنا يخليك يا غالى

شمس
09-12-2015, 12:44 PM
ههههههههههههه

حلوة يااكرم

دولا مجانين استغفر الله العظيم دول دولا خبلانة اللى فاهمهم راسه تعبانة

أكرم
09-13-2015, 06:00 PM
معاكى حق يا ابو الليف قصدي يا شمس

أحمد القعيد
09-16-2015, 01:53 PM
ههههههههههههههههههه

زهرة الياسمين
03-30-2016, 12:00 PM
ههههههههههههههههههههههههههههههههههههههههههه لو مكانوووووووو ح اقولهاااااااااااا صااااااااايم ي اختي ارتاااحي:surprise::surprise:

أكرم
04-24-2016, 02:58 AM
بعد كل ده ويصوم ده حتى ربنا مش بيرضي بالظلم :surprise: