الملاحظات

أنواع البنات فى الأفراح

Butterfly أنواع البنات فى الأفراح
أنواع البنات فى الأفراح

في الفرح توقع كل شيء
سماح شقلباظ


دي بقى من أول ما تدخل باب القاعة تلاقي صوت لولولولولولولولي بتاعتها جايب آخر القاعة، وداخلة بتحدد خطوط الهجوم والدفاع الواد اللي على الشمال عنده بي آم دبليو برا، واللي هناك 128 حمرا، يبقى هنتجه شمال شرقي، وهوب تلاقي كعب 20 سم طار في الهوا عشان تدي كل حاجة حقها. وتلاقيها طول الـ فرح تتمايل كأفعى أحراش الأمازون أو موبايل نوكيا 1100 على الفيبريشن وشيك شك شوك.


أنواع البنات فى الأفراح


منى حركات وصراع الحضارات


دي بقى اللي تدخل من باب القاعة في هدوء خالص، تحسها كومل كده، وأول ما تلاقي أغنيه فريحي؛ هوب تلاقيها قامت وشدت الشال بتاع الفستان وحولت الفستان نفسه لبدلة رقص بربرق وتقوم تعمل وصلة مع سماح شقلباظ لتثبت وجودها وتروح مرة واحدة راجعة قاعدة في مكانها تحس عندها شيزو فرنيا مش عارفة ترقص وتنبسط وتبل الشربات ولا تقعد ويقولوا عليها نكدية وشبه دب الكوالا.



أنواع البنات فى الأفراح

سلمى أوعي


دي بقى مش صاحبة العروسة ولا قريبة العريس، دي بتدخل أي فرح وتفضل لازقة في العروسة وتفضل تعمل مبسوطة ودموع الفرحة هتنط من عينيها وتفضل تعدلها ديل الفستان المعدول ولازقة كأنها اتب لمجرد إنها تطلع في الفيديو، يمكن يجيلها عدالها ولا حاجة، وطول الـ فرح تقعد تقول للعروسة: "معاكي سلمى أوعي متنسيش أختك"، وتفضل تقرص رجل العروسة لحد ما تورم.



أنواع البنات فى الأفراح

مديحة أديني رنة للدعايا والإعلان


دي بقى بتبقى عاملة من نمرة موبايلها كروت وماشية كل ما تخبط في حد تثبته تديله نمرتها من باب الشغل، الجواز، أي حاجة، أرملة وجاية في أي مصلحة: "هيهيهيهيهي"، ضحكة رقيعة وتديله النمرة وهي بتغنيله يا واحشني أديني رنة هتلاقي الدنيا جنة.



أنواع البنات فى الأفراح

ميرفت ميك آب



دي بقى مبتحضرش في الـ فرح غير البوفيه وأغنيه كان عندنا طاحون بتاعت الست فيروز -الله يديها الصحة- اللي هي في آخر الفرح من أول ما تدخل الفرح عندها هسهس إنها مش حلوة، تاخد فرش البويات بتاعتها، نقصد يعني عدتها، إيشي ميك آب على سشوار على شامبو وبلسم، متعرفش بتعمل إيه جوا، بس لما بتطلع بتلاقي اختلاف فظيع نقلت القصة من الشمال لليمين.

أنواع البنات فى الأفراح


وفي رنا و ريهام وميرنا



ودول بني أدمين طبيعين بيروحوا ينبسطوا ويهزروا ويضحكوا ويروحوا، دعنا نقول سبحان الله.

نصيحة لو مقبلين على فرح متعزموش بنات.
افتراضي رد: أنواع البنات فى الأفراح
ههه وصف رائع
افتراضي رد: أنواع البنات فى الأفراح
شكرا


مواقع النشر (المفضلة)


أنواع البنات فى الأفراح

أدوات الموضوع
انواع عرض الموضوع

الانتقال السريع

المواضيع المتشابهه
الموضوع
التغير المناخي يمثل خطورة على "سدس" أنواع الكائنات
البنات فى شم النسيم
اصل البنات شربات مايا دياب تحميل وكلمات واستماع
أنماط المعيشة تقف "وراء الإصابة بأربعة أنواع من السرطان"
تعرفي على أنواع العسل وفوائده