الملاحظات

سلطة توستادا

افتراضي سلطة توستادا
سلطة توستادا

السلام عليكم ورحمة الله وبركاته

سلطة توستادا
من فترة كدة كلت فى مطعم مكسيكى سلطة بالظبط شكلها زى اللى فى الصورة دى…. مش عايزة اقوللكوا الطعم خيااااال وبتشبع بشكل رهييييب وفى نفس الوقت هى وجبة كاملة متكاملة على بعضها اصلا مع كوباية عصير برتقال او ليمون (انا اكلتها مع ليمون كان تحفة)المهم السلطة دى اسمها توستادا سالاد
سلطة توستادا

المقادير: (لفرد واحد)

• صدر دجاج مخلى
• ملح-فلفل-كمون-بابريكا-توم بودرة-بصل بودرة (دى تتبيلة الفراخ)
• واحدة افوكادو-معلقة بصل مفروم-ملح-ليمون (دى مقادير الجواكامولى)
• طماطم مفرومة-معلقة بصل مفروم- فص توم مفروم- كزبرة خضراء مفرومة (ودى مقادير صلصة اسمها بيكو دى جو)
• معلقتين كبار جبنة مبشورة قليلة الدسم (يفضل نوع اسمه مونترى جاك… لو مافيش… اى جبنة شيدر قليلة الدسم)
•3 معالق كبار لبنة قليلة الدسم- عصرة ليمون- ملح (ده بدل الكريمة الحامضة عشان السعرات بس)
• خس كتييييييير متقطع
• تتبيلة السلطة نفسها: زبادى- مسطردة- توم مهروس ناعم- ملح- خل (كمية المسطردة نص كمية الزبادى)
• رغيف تورتيلا محمص فى الفرن على شكل قالب (هقوللكوا ازاى)

سلطة توستادا
الطريقة:
• نتبل الفراخ بالتتبيلة بتاعتها ونشويها على الجريل او الطاسة
• بعد ماتستوى نغطيها على مانحضر الباقى
• لتحضير الجواكامولى: نهرس الافوكادو ونعصر عليه الليمون على طول عشان مايسودش بعدين نخلط معاه البصل ونظبط الملح
• لتحضير بيكو دى جو: نقطع الطماطم صغير اوى ونقلبها مع البصل والكزبرة والتوم والملح والليمون
• نقلب اللبنة مع اليمون والملح
• نيجى بقى للعيش: عشان نعمله كدة نجيب قالب من قوالب الفرن زى قالب البريوش او اى قالب عندنا يعنى… نقلبه على وشه على صينية فرن.. بعدين نحط الرغيف فوق القالب وندخله الفرن على العالى لحد مايتحمص وياخد شكل الطبق
• عشان نرتب السلطة:اول حاجة نرص الخس كقاعدة جوة طبق التورتيلا اللى احنا حمصناه ده
• بعدين نقطع الفراخ ونرصها على جنب ونرص جنبها كل صلصة حضرناها جنب بعض زى ماهو فى الصورة كدة
• ممكن نحط الجبنة على جنب بردو او نرشها على الوش
• فى الاخر نخلط مكونات تتبيلة السلطة ونرشها على الوش
• نصيحة: اعملوا كمية كبيرة من البيكو دى جو عشان هتلاقوا نفسكوا بتغرفوا منها وانتو بتاكلوا

سلطة توستادا
افتراضي


مواقع النشر (المفضلة)


سلطة توستادا

أدوات الموضوع
انواع عرض الموضوع

الانتقال السريع

المواضيع المتشابهه
الموضوع
سلطة الملفوف والجزر
سلطة الدجاج المكسيكية
سلطة المكرونة بالخضار
سلطة الخرشوف
سلطة السبانخ